Isang araw bago matapos ang itinakda ng Commission on Elections para maghain ng Certificate of Candidacy sa local at national elective posts, muling dumagsa sa tanggapan ng ahensiya ang iba pang nagnanais na tumakbo sa nalalapit na halalan sa May 2016.
Sa pinakahuling datos ng COMELEC ngayong araw, ika-15 ng Oktubre, umabot na pitumpu’t anim ang naghain ng COC sa pagka-presidente, labing lima sa pagka-bise presidente, walumpu’t tatlo sa pagka-senador at isandaang at dalawampu’t pito naman sa partylist group.
Mula sa limampu’t pito na kabuuang bilang ng mga naghain ng COC sa pagka-pangulo kahapon, nadagdagan ito ngayong araw ng labing siyam na kandidato.
Kabilang sa labing siyam ay sina:
- Manuel Roxas
- Quiterio Castilla
- Jose Larry Maquinana
- Camilo Tiqui
- Justino Padiernos
- Apolonia Soguilon
- Erenia Romanillos
- Sahiron Salim
- Benecio Rufil
- Buenafe aka Brigido
- Elizabeth Capular
- Crisostomo Arada
- Mary Grace Poe-Llamanzares
- Maria Victoria Del Rosario
- Edna Guillermo
- Gary Jamile
- Edwin Padirogao
- Rodel Mancilla
- Ranulfo Feliciano
Sa pagka-pangalawang pangulo naman, nadagdagan ito ng apat ngayong araw mula sa labing isa na bilang kahapon. Ang apat ay sina:
- Maria Leonor Robredo
- Hermito De Asis
- Diego Palomares Jr.
- Francis Joseph Escudero
Nadagdagan naman ng tatlumpu ang bilang ng mga naghain ng COC sa pagka-senador na mula sa limampu’t tatlo na kabuuang bilang kahapon. Kabilang sa tatlumpu ay sina:
- Robert De Castro
- Alvin Almirante Bersales
- Sandra Cam
- Nariman Ambolodto
- Hernando Bruce
- Allan Montano
- Lorna Kapunan
- Cresente Paez
- Jay Angelique Jaafar
- Ephraim David
- Leila Norma Eulalia Josefa De Lima
- Celedonio Ompad
- Ray Dorona
- Pol Bulilan
- Antonio Aquilino
- Teofisto Guingona III
- Fausto Cabantac
- Sergio Osmeña III
- Floresca Leto
- Bethsaida Lopez
- Yusoph Mando
- Habib Adz Nikabulin
- Rosauro Revilla
- Nicandro Pitos
- Rosalinda Dacanay
- Catherine Gawat
- Arturo Remo
- Elizabeth Del Rio Martinez
- Amado Combate
- Mary Lou Estrada
Ilan sa mga kilalang personalidad na naghain ng kanilang COC ngayong araw ay sina Liberal Party standard bearer Mar Roxas at ang kanyang runningmate na si Camarines Sur Rep. Leni Robredo.
Gayundin sina Sen. Grace Poe na kasama ang kanyang ina na si Susan Roces at runningmate na si Sen. Chiz Escudero na kasama naman ang asawang si Heart Evangelista.
Hanggang bukas na lamang ang itinakdang araw ng COMELE para maghain ng COC ang mga kandidato na tatakbo sa 2016 elections.