Ayon kay Special Assistant to the President Christopher Bong Go, pamumulitika lamang ang layunin ng #BabaeAko campaign.
Malinaw ayon kay Go na noon pa man ay tagapagtaguyod na ang pangulo ng karaparan ng mga babae.
Sinabi pa ng opisyal na may mga isinulong na ordinansa ang pangulo noong mayor pa siya ng Davao City na nagbibigay proteksyon sa mga kababaihan.
Ayon kay go, ang pangulo rin nasa likod ng Women Development Code at pagkakaroon ng Integrated Gender Development Division sa lunsod ng Davao.
Dahil dito ay kinilala aniya ang Davao bilang Gender and Development Local Learning Hub ng Pilipinas.
Hindi makatarungan ayon kay Go na mababa ang tingin ng ilang mga babae sa pangulo.