Donald Trump nagpahayag ng duda na matutuloy ang pulong niya kay North Korean leader Kim Jong Un

By: Donabelle Dominguez-Cargullo - 6 years ago

Sinabi ni US President Donald Trump na mayroong malaking tsansa na hindi matuloy ang summit sa pagitan nila ni North Korean leader Kim Jong Un na nakaplanong gawin sa June 12.

Ito ay sa gitna ng mga ulat na ayaw ni Kim wakasan ang nuclear activities ng NoKor.

Ani Trump, OK lang sa kaniya kung talagang hindi matutuloy ang pulong.

Ang naturang summit sana ang maituturing na biggest diplomatic achievement sa panunungkulan ni Trump bilang pangulo ng US.

Ani Trump, kung sakaling hindi matuloy sa a-dose ng Hunyo, maari pa rin namang mangyari ang summit sa ibang panahon.

Base sa plano, sa Singapore gagawin ang paghaharap ng dalawang lider.