Pinangunahan ni Pangulong Rodrigo Duterte ang paggunita sa ika-120 anibersaryo ng Philippine Navy sa Coconut Palace sa Cultural Center of the Philippines (CCP) Complex sa Maynila.
Highlight sa anibersaryo ang capability demonstration ng amphibious operations, counter terrorism and hostage rescue ng Navy Special Operations Group at Marines Special Operations Group, at fleet review of vessels pati na ang fly by ng Naval Fixed and Rotary Aircraft kasama ang pinakabagong biling TC90S.
Huling nagsagawa ng fleet review ang Philippine Navy noong 1998.
Kasabay nitong ginawaran ng pangulo ng Kamagi Awards sina Rear Admiral Rene Medina, Brigadier General Melquiades Ordiales Jr., Lieutenant Colonel Gerald Bautista, Lieutenant Colonel Dante Robert Graspsril, Lieutenant Commander Fredie Parpan, at S1 Herbert Ryan Briz.