Nakuhanan ng kutsilyo ang 25 anyos na si Dooley ng bouncer na nakatalaga sa labas ng nightclub sa Kingston, southwest London.
Mismong si Dooley umano ang umamin na may dala siyang kutsilyo nang siya ay papasok sana sa club.
Agad din namang pinalaya si Dolley matapos kusang ibigay sa mga otoridad ang kutsilyo.
Isa pang lalaki na posibleng kasama din ni Dooley ang nakuhanan naman ng noxious spray.
Ilegal ang magdala ng kutsilyo sa public place sa England maliban lang sa mga folding pocket knives na ang haba ng blades three inches lamang o pababa.
Sa ulat ng isang pahayagan doon, sinabi ni Dooley na nagdala siya ng kutsilyo bilang proteksyon sa sarili matapos sabihin ni US President Donald Trump na isang war zone ang London.