Palengke sa Cotabato City, nasunog

Tinupok ng apoy ang isang palengke sa Barangay Poclacion sa Cotabato City Lunes ng gabi.

Nagsimula ang sunog alas 11:00 ng gabi sa ikalawang palapag ng palengke ayon sa Fire Brigade ng barangay na rumesponde.

Tinatayang aabot sa 1,000 mga negosyante sa Mega Market ang naapektuhan ng sunog.

Ayon sa isa sa mga may-ari ng stall sa palengke na si Bai Lyn Untong walang natira sa kaniyang mga panindang bigas, asukal at itlog na sa kaniyang pagtaya ay aabot sa 100,000 piso ang halaga.

Sa ngayon patuloy ang imbestigasyon sa kung ano ang pinagmulan ng sunog at kung magkano ang halaga ng mga ari-ariang natupok.