‘Bigtime’ oil price hike ipatutupad sa Martes

Muli na namang nakaamba ang isang malakihang dagdag presyo sa mga produktong petrolyo sa darating na linggo.

Inaasahang maglalaro sa P1.50 hanggang P1.60 kada litro ang itataas ng presyo ng gasolina habang P1 hanggang P1.10 naman ang inaasahang dagdag sa diesel.

Sa presyo naman ng kerosene o gaas ay inaasahang papalo ang dagdag presyo sa P0.85 hanggang P0.95 kada litro.

Bunsod nito, inabisuhan na ang mga motorista na magkarga na ng langis bago pa ipatupad ang dagdag presyo sa Martes, May 22.