DOH inalerto ukol sa pagkalat ng mga pekeng Dengvaxia cards

Inalerto ng isang kongresista ang Department of Health kaugnay ng umano’y kumakalat na mga pekeng Dengvaxia cards.

Ayon kay House Appropriations Committee Chairman Karlo Alexei Nograles, ang Dengvaxia card ay tulong ng gobyerno sa mga naturukan ng bakuna pero napepeke na anya ang ipinamimigay ng DOH simula noong Enero.

Ang mga cards ay ginagamit para sa monitoring ng kundisyon ng mga lehitimong naturukan ng Dengvaxia.

Pwede ring gamitin ang card sa pagpapa-ospital at sa gamutan ng nabakunahan nito.

Dahil dito ay hiniling ni Nograles kay Health Sec. Francisco Duque III na tiyakin ang pagberipika sa Dengvaxia cards para matukoy kung totoo o peke ito.