PNP tiniyak na pananatilihin ang peace and order sa paggunita ng Ramadan

Aktibong magbabantay ang Philippine National Police sa pagpapanatili ng peace and order sa paggunita ng Ramadan.

Ito ang pagtitiyak ni PNP Spokesman Chief Supt. John Bulalacao kasabay nang pagbati ng “peace and happiness” sa Muslim community sa kanilang pag-obserba ng okasyon.

Nanawagan naman si Bulalacao sa mga kapatid na Muslim na maging mapagmatyag sa panahong ito para hindi makapagsamantala ang mga may masamang balakin.

Kaniya ring hinikayat ang mga ito na iulat sa mga autoridad ang anumang kahinahinalang aktibidad sa kanilang kapaligiran.

Nagsimula na ang fasting, reflection at prayer ng buong Muslim community na tatagal ng isang buwan.