2 drug suspects arestado sa Marikina matapos mahulihan ng high grade marijuana

Arestado ang dalawang drug suspects sa ikinasang buy bust operation sa Marikina City.

Nadakip sa naturang buy bust sina Edgard Shane Benavidez, 22 anyos at Irwin Joseph De Castro, 41 anyos.

Ang dalawa ay naaresto ng mga tauhan ng Station Drug Enforcement Unit ng Marikina City Police sa Gen Ordoñez St., SSS Village, Barangay Concepcion Dos.

Nakuha mula sa dalawang suspek ang 15 gramo ng “Kush” o high grade dried marijuana leaves at P1,000 na buy bust money.

Dinala sa Crime Laboratory ng Easter Police District ang mga suspek para maisailalim sa drug test.