Siniguro ng Palasyo ng Malakanyang na gumagawa na sila ng paraan para mailigtas ang mga kidnap victims mula sa Samal Island.
Tiniyak ng Malacanang na kumikilos sila para sa mailigtas at mabawi ang mga bihag ng mga umanoy miyembro ng Abu Sayyaf Group.
Sa harap ito ng lumabas na video ng mga bihag na Norwegian, dalawang Canadian at isang Pinay na nananawagan sa gobyerno na itigil na operasyon ng militar laban sa kanilang mga kidnappers.
Ayon kay Communications Sec. Sonny Coloma, lahat ng ginagawang aksyon ng pamahalaan ay para mailigtas ang mga bihag. Ang apat na bihag ay matatandaang dinukot ng mga armadong grupo mula sa Luxury Marina Resort sa Samal Island noong September 21.
Humingi na rin ng tulong sa pamahalaan ang mga kaanak ng mga biktimang sina John Ridsel at Robert Hall na pawang mga Canadians, Norwegian na si Kjartan Sekkingstand at Pinay na si Maritess Flor.
Tiniyak naman ni Davao del Norte PNP Provincial Director SSupt. Samuel Gadingan na patuloy na namomonitor ng pinagsanib na pwersa ng military at pulisya ang lugar na pinag-dalhan sa mga biktima.