Kapapanalo lang na kapitan ng barangay sa Cotabato inaresto ng PDEA

Inaresto ang isang re-electionist na barangay chairman na kapapanalo lang sa eleksyon matapos salakayin ng Philippine Drug Enforcement Agency ang kanyang bahay sa Makilala, Cotabato.

Isinilbi ng PDEA ang search warrant laban kay Barangay Malasila Chairman Melvin Fortajada at naghanap ng droga at mga iligal na armas.

Nadiskubre ng mga operatiba ang limang sachet ng shabu, drug paraphernalia at tatlong bala ng kalibre .45 na baril.

Itinanggi naman ni Fortajada na sa kanya ang mga droga. Iginiit niya na itinanim lamang ito.

Wala namang nakitang baril ang PDEA sa bahay ng kapitan.