Sumailalim sa operasyon sa kidney si US First Lady Melania Trump.
Ayon sa pahayag ng tagapagsalita ni Mrs. Trump na si Sthephani Grisham, “embolization procedure” ang ginawa kay Melania dahil sa kaniyang benign kidney condition.
Nananatili pa ngayon ang 48 anyos na si Melania sa Water Reed National Medical Center at inaasahang mamamahinga doon ngayong linggo matapos ang matagumpay na procedure.
Sa kaniyang tweet, sinabi ni US President Donald Trump na bibisitahin niya si Melania matapos ang operasyon.
Nasa mabuting kondisyon aniya ang kaniyang misis.
Ang embolization procedure ay isang non-invasive surgery kaya mabilis lang ang recovery ng mga sumasailalim dito.
MOST READ
LATEST STORIES