Mga gurong magsisilbing BET sa dalawang lugar sa Maguindanao, nag-walkout

Umatras ang halos 10 guro sa pagiging board of election tellers sa Barangay Caladturan sa Salipada Pendatun sa Maguindanao.

Ayon kay sa hepe ng Maguindanao police na si Senior Supt. Edwin Wagan, natakot ang mga guro kaya umatras sa tungkulin.

Nagsilbi naman ang mga pulis bilang board of election tellers dahil dito.

Samantala, sa bahagi naman ng Datu Saudi Ampatuan sa Maguindanao, nag-walk out din ang mga gurong magsisilbi bilang BET.

Ito ay matapos ang una nang napaulat na nagkaroon ng insidente ng pagpapaputok ng baril ng mga armadong grupo.

Nagdulot ito ng takot sa mga sibilyan, pero walang nasugatan sa insidente.

Patuloy naman ang maigting na seguridad ng pulisya at militar sa Maguindanao.