Pimentel pinamamadali sa PNP ang pagtugis sa pumatay kay Rep. Eriguel

Hinimok ni Senate President Koko Pimentel ang Philippine National Police na hulihin sa lalong madaling panahon ang mga pumatay kay La Union Representative Eufranio Eriguel.

Ipinahayag ni Pimentel na kailangang mabilis na tugunan ng PNP ang insidente.

Aniya, kinakailangan ang isang propesyunal at may kredibildad na pulisya para mapigilan ang mga kriminal at maparusahan ang mga lumalabag sa batas.

Pinatay sa pananambang si Eriguel kasama ang kanyang dalawang body guards habang nagtatalumpati sa Barangay Capas sa Agoo, La Union.

Si Eriguel ay kasama ni Pimentel sa Partido Demokratiko Pilipino – Lakas ng Bayan (PDP Laban).