Davao Occidental, niyanig ng magnitude 5.4 na lindol

Niyanig ng magnitude 5.4 na lindol ang Davao Occidental.

Una nang iniulat ng Philippine Institute of Volcanology and Seismology o PHIVOLCS na magnitude 5.5 ang lindol ngunit ibinaba ito sa magnitude 5.4.

Naganap ang lindol alas 4:46 ng umaga at tumama sa may Silangang Bahagi ng Malita ng naturang probinsya.

Tectonic ang pinagmulan ng lindol na nasa 100 kilometro lalim.

Naramdaman ang instrumental intensity 3 sa Alabel, Saranggani at General Santos City. Habang intensity 2 sa Davao City.

Wala naman naitalang malaking pinsala ang lindol.