Nagtalaga na si Pangulong Rodrigo Duterte ng Acting Secretary sa Department of Social Welfare and Development (DSWD) at sa Department of Information and Communications Technology (DICT).
Sa appointment paper na inilabas ng Malacañan na may petsang May 8, itinalaga ni Pangulong Duterte si Eliseo Mijares Rio bilang Acting Secretary ng DICT matapos maging officer-in-charge ng kagawaran.
Itinalaga naman ni Pangulong Duterte si Virginia Nazarrea Orogo bilang Acting Secretary ng DSWD kapalit ng OIC na si Social Welfare Undersecretary Emmanuel Leyco.
Una nang itinalaga ng pangulo si Orogo bilang undersecretary ng DSWD noong September 2016.
Nagtalaga din naman si Pangulong Duterte ng dalawang bagong Board Member ng Subic Bay Metropolitan Authority (SBMA) sa katauhan nina Ronaldo Ampunin at Benasing Macarambon Jr.