“Parati siyang posible.”
Ito ang naging pahayag ni Vice President Leni Robredo nang tanungin tungkol sa isyu ng pagpapatalsik sa kanya sa pwesto.
Sa panayam ng Inquirer sa bise presidente sa Bacolod ay sinabi nito na kasunod ng nangyayari kay Senadora Leila de Lima at Chief Justice Maria Lourdes Sereno ay hindi niya isinasantabi ang posibilidad na matanggal siya sa pagiging ikalawang pangulo ng bansa.
Aniya, noong nakaraang taon lamang ay mayroon nang nakahain na impeachment complaint laban sa kanya sa Kongreso. Ngunit dahil wala pang nag-sponsor nito ay hindi pa natuloy ang kaso.
Ani Robredo, ipagpapatuloy lamang niya ang pagpapahayag ng kanyang saloobin tungkol sa mga isyu na nakikitaan niya ng mali, at pagsuporta sa mga bagay na mahalaga.