Humihirit ang Malakanyang sa ibat-ibang religious groups maging sa local government units, civic groups at iba pang organisasyon sa bansa na tumulong sa pagsasagawa ng charity programs para makatulong sa mga mahihirap.
Pahayag ito ng Palasyo matapos ang worldwide walk to fight poverty na isinagawa kahapon ng Iglesia Ni Cristo (INC).
Ayon kay Special Assistant to the President Sec. Bong Go bagamat may ayuda na ang gobyerno marami pa ring mga Pinoy ang nakararanas ng paghihirap.
Kahapon ay nakiisa si Go sa ikalawang worldwide walk to fight poverty ng INC.
Ayon kay Go nakabibilib ang pagkakaisa ng mga taga INC hindi lamang tuwing may halalan kundi maging sa mga aktibidad na naglalayong makatulong sa kapwa.
Pagpapakita anya ito sa malalim at solidong pananampalataya ng mga taga INC.