ITCZ, magpapaulan sa ilang bahagi ng bansa ngayong araw

Walang namomonitor na sama ng panahon o low pressure area (LPA) ang Pagasa sa kasalukuyan.

Gayunman, patuloy na nakakaapekto ang inter-tropical convergence zone (ITCZ) sa Palawan, Kabisayaan at Mindanao.

Dahil sa ITCZ, mararanasan ang maulap na kalangitan na may mahihina hanggang sa katamtamang pag-uulan, pagkulog at pagkidlat ang sa Palawan.

Maulap na kalangitan na may kalat-kalat na may mahihina hanggang sa katamtamang pag-uulan, pagkulog at pagkidlat ang iiral sa buong Visayas, Caraga region, Soccsksargen, Lanao del Sur at Maguindanao.

Patuloy naman ang pag-iral ng easterlies sa nalalabing bahagi ng bansa kasama na ang Metro Manila na inaasahang magdadala ng maalinsangang panahon.