PDEA, nanindigan na tama ang inilabas nilang narco-list

Nanindigan ang Philippine Drug Enforcement Agency sa inilabas nilang narco list ng mga barangay official.

Ito’y sa kabila ng batikos na wala itong due process at hindi tama ang lahat ng mga nasa listahan nila.

Giit ni PDEA Spokesperson Derrick Carreon, validated ang listahan ng PDEA, PNP, NICA at ISAFP.

Bukod dito ay nakakuha rin umano sila ng input mula sa kanilang mga Regional Offices patunay na hindi sila naging barabara sa paglalabas nito.

Paliwanag pa nya, 293 ang inisyal na bilang ng nasa narco-list pero bumaba ito 207 noong isiniwalat na ito.

Samantala, kanya namang sinabi na kung may mga mali sa pangalan na nasama narco-list ay kanila itong rerebyuhin.