Senior citizen sa Isabela nagpakamatay dahil sa kahirapan ng buhay

Napatiwakal umano ang isang senior citizen sa Angadanan, Isabela.

Kinilala ang nasawi na si Cristino Colobong, 64 taong gulang.

Ayon kay Senior Insp. Ardee Tion, hepe ng pulisya ng Angadanan, nadiskubre ang mga labi ni Colobong sa likod ng kanyang bahay.

Bago pa man ang insidente, nagpahiwatig na ito na magpakamatay dahil sa kahirapan at problema sa pamilya.

Napagpasyahan naman ng pamilya ni Colobong na huwag nang ipa-autopsy ang kanyang bangkay dahil wala silang nakitang foul play.