Sa isinumiteng kometo sa Supreme Court, iginiit ng OSG na depektibo at walang merito ang pagtutol ng mga militanteng kongresista at ibang grupo sa tax reform package.
Ayon sa ahensya, apektado ang gobyerno at publiko kapag ipinatigil ang TRAIN law dahil mahigit P146 billion ang mawawalang kita.
Malaking tulong umano ang tax reform law dahil sa inaasahang halos P90 billion na kita ngayong 2018 at tinatayang P786 billion sa unang limang taon.
Kapag idineklara namang iligal ang excise tax sa produktong petrolyo ay magreresulta ito sa mababang pondo para sa mga programa ng gobyerno sa edukasyon, kalusugan, imprastraktura, at ibang social services.
Giit pa ng OSG, epektibo ang TRAIN Law dahil ramdam ng mga empleyado ang mas malaking take home pay dahil sa tinanggal na income tax.