Dalawang pulis dinukot ng mga armadong grupo sa Sulu

Dinukot ng armadong grupo ang dalawang pulis sa Sulu.

Ayon sa mga otoridad, nakilala ang mga biktima na sina PO2 Benierose Alvarez at Dinah Leonardo Gumahad.

Nakatalaga sa Police Regional Office 9 ang dalawa at bumisita lamang sa lugar.

Sakay ng tricycle ang dalawang pulis nang harangin sila ng nasa 10 armadong kalalakihan pagdating sa Barangay Liang, Patikul.

Pwersahang pinababa ng mga suspek sina Alvarez at Gumahad.

Naganap ang pagdukot kahapon dakong alas-12:40 ng tanghali.

Ayon kay Joint Task Force Sulu Commander Brig. Gen. Cirilito Sobejana, naglunsad na ang militar ng hot pusuit operation.