5 arestado sa buy bust operation sa Zamboanga Sibugay

Arestado ang limang katao sa anti-drug raid sa Malangas, Zamboanga Sibugay.

Ayon kay Laurefel Gabales, head ng Philippine Drug Enforcement Agency sa Western Mindanao, nakumpiska sa mga suspek ang pinaghihinalaang shabu na nagkakahalaga ng P200,000.

Ginawa ng buy bust operation sa mag-asawang sina Bonifacio at Wilma Abao sa Barangay La Dicha.

Ang iba pang hinuli ay sina Marlon Dulom Abao, Al-Shaida Jundam Balpaki at John Ryan Tabunon Morcilla.

Kakasuhan ang lima dahil sa umanoy pagsasabwatan sa pagbebenta ng droga, possession of illegal drugs at possession of drug paraphernalia.

Nakakulong na ngayon ang mga suspek sa Malangas Police detention facility.