Ayon kay Commission on Elections (Comelec) spokesman James Jimenez tanging ang final judgment sa kinasangkutang krimen o hatol ng korte ang makapagpapa-diskwlipika sa isang kandidato.
Kaya kahit malantad pa ang pangalan ng kandidato sa ilalabas na drug list ng Philippine Drug Enforcement Agency (PDEA) hindi ito mangangahulugan na madidisqualify ang isang aspirante para sa Barangay at SK elecitons.
“Having your name on the list of drug suspects or people suspected to be involved in the drug trade will not really have an effect on what the Comelec does. Being on [a] drug list will not disqualify a person from running for office. Disqualification only comes from a final judgment against the person, apart from other reasons for disqualification”
Wala din aniya sa kamay ng Comelec ang pag-imbestiga sa mga mapapangalan sa narco list.
Aniya mayroon namang mga karampatang law enforcement agencies para magsagawa ng imbestigasyon.
Ang tanging epekto aniya ng gagawin ng PDEA ay maaring magdalawang-isip ang mga botante na iboto ang kandidato kapag nakita nilang kasama sa listahan ng mga sangkot sa ilegal na droga.