Maagang dumating sa Intramuros Maynila ang mga taga-suporta ng mga kandidato na maghahain ng Certificate of Candidacy (COC) ngayong araw sa Commission on Elections (Comelec).
Ang mga supporters ni Vice President Jejomar Binay mula sa APO fraternity ay maagang nagtipun-tipon sa Intramuros.
Ang ibang supporters ay nagpakilala bilang KJB o Koalisyon Jejomar Binay.
Ang iba naman ay mula pa sa lalawigan ng Cavite. Nakasuot ng asul ang mga supporters ni Binay na naglagay na rin ng mga banners ng bise presidente sa lugar na may nakasulat na BINAY na nilagyan ng kahulugan na ‘Brod I’ll Never Abandon You’.
May mga dumating na ding supporters ni Senator Gringo Honasan na sinasabing magiging running mate ni Binay.
Pasado alas 6:00 ng umaga ay dumating na sa San Agustin Church si Binay para dumalo muna sa misa bago ang gagawing paghahain ng COC alas otso ngayong umaga.
Kasama ng bise presidente na dumating sa San Agustin Church si Senator Nancy Binay.
Samantala pasado alas 7:00 ng umaga, dumating na rin sa San Agustin Church si Senator Honasan.