Mahigit 320,000 na pasahero naserbisyuhan ng MRT-3 kahapon

Umabot sa mahigit 320,000 na mga pasahero ang naserbisyuhan kahapon sa biyahe ng Metro Rail Transit.

Sa daily operations report ng MRT-3, 329,959 ang naitalang pasahero sa maghapon nitong operasyon.

Umabot naman sa 4,950 ang total travelled distance ng mga tren.

Habang umabot sa 16 ang average na bilang ng mga tren na napabiyahe sa kasagsagan ng peak hours.

Wala namang naitalang unloading incident kahapon o aberya sa biyahe ng mga tren.