Unang iniulat na nawawala ang sa nasabing sunog ang tatlong katao kabilang sina Jasmine Luna at Zaldy Luna at si Lito Homeres.
Dalawa sa kanila ang natagpuan na habang pinaghahanap ang isa pa.
Umabot sa ikalawang alarma ang sunog at idineklarang fire under control bandang alas-4:07 ng umaga.
Alas-4:30 naman nang biglang lumakas ulit ang apoy.
Ayon sa mga residente, bago sumiklab ang apoy ay nakarinig sila ng isang malakas na pagsabog.
Mabilis na kumalat ang apoy dahil may kalumaan na ang gusali at may mga nakaimbak ditong kurtina, linoleum, at styrofoam.
Sa ngayon ay inaalam pa ng mga otoridad ang pinagmulan ng sunog at kung magkano ang kabuuang pinsala na dulot nito.
Kasabay sa pag-apula ng sunog ay ang paghahanap sa tatlong nawawalang residente.