Zark’s Burger-Lyceum wagi sa Game 2 ng 2018 PBA D-League

Magkakaroon pa ng do-or-die game para sa 2018 PBA D-League Aspirants’ Cup Finals ang Zark’s Burger-Lyceum at Che’Lu Bar and Grill-San Sebastian.

Ito ay matapos talunin ng Zark’s Burger-Lyceum ang Che’Lu Bar and Grill-San Sebastian sa iskor na 98-90 sa kanilang tapatan sa Ynares Sports Arena.

Pinangunahan ni CJ Perez na siyang Conference MVP ang Jawbreakers sa pamamagitan ng kanyang 15 puntos, 7 rebound, at 4 na assists.

Sinundan siya ni JC Marcelino na nakapagtala naman ng 13 points, at nina MJ Ayaay at Mike Nzeusseu na kapwa nakapagbigay ng 11 points.

Samantala, para naman sa Revellers, si Allyn Bulanadi sa pamamagitan ng kanyang 23 puntos.

Magaganap ang Game 3 ng 2018 PBA D-League sa Ynares Sports Arena pa rin sa araw ng Martes.