Pilipinas tiniyak ang UN na committed ang bansa sa peace talks

Tiniyak ni Presidential Peace adviser Jesus Dureza sa mga delegado ng United Nations General Assembly na committed pa rin ang gobyerno ng Pilipinas sa usapang pangkapayapaan lalo na sa mga lugar na may gulo.

Iginiit ni Dureza ang hakbang ng kanyang tanggapan gaya ng pagpapatupad ng socio-economic programs at pagkakaroon ng kapayapaan bilang patunay na patuloy sa paghahanap ng patas at pangmatagalang katahimikan sa bansa.

Ipinaliwanag din ng kalihim sa assembly sa New York na dapat sabay ang kapayapaan at kaunlaran.

Aminado si Dureza na mahirap ang naturang layunin sa Pilipinas pero sa tulong anya ng United Nations at ibang bansa ay magiging madali ito.