HPA at Easterlies, makakaapekto sa bansa ngayong araw

Inaasahang magpapatuloy ang maalinsangang panahon sa buong bansa ayon sa PAGASA.

Ito ay bunsod ng sabay na pag-iral ng high pressure area (HPA) at easterlies na magdadala ng mainit na temperatura.

Makakaapekto ang ridge ng HPA sa Luzon habang iiral naman sa kabuuan ng bansa ang easterlies.

Inaasahan naman ang bahagyang maulap hanggang sa maulap na kalangitan na may kalat-kalat na pag-ulan bunsod ng easterlies sa Metro Manila at iba pang bahagi ng bansa.