18 patay sa sunog sa KTV sa China

Patay ang labingwalong katao habang sugatan ang limang iba pa makaraang masunog ang isang karaoke lounge sa southern China.

Naganap ang sunog sa Qingyuan City sa Guangdong province ala 1:00 ng madaling araw ng Martes, oras sa China.

Natupok ang tatlong palapag na gusali na isang KTV lounge.

Hinala ng mga pulis, arson incident ang naganap o sinadya ang sunog.

Patuloy pa ang imbestigasyon sa insidente.

Aalamin din kung mayroong kapabayaan sa fire safety regulations ng gusali.