Biyahe ng MRT, nagka-aberya; 300 pasahero ang pinababa sa tren

Isang tren ng MRT-3 ang nakaranas ng aberya habang bumibiyahe pa-northbound alas 4:19 ng hapon ng Biyernes.

Ayon sa MRT-3, pinababa ang nasa 300 pasahero ng tren sa Quezon Avenue station makaraang makaranas ng electrical failure sa motor nito.

Ang mga pinababang pasahero ay pinasakay na lang sa kasunod na tren. Anim na minuto lang umano ang kanilang pinaghintay bago makalipat ng tren.

Ayon sa MRT-3, kadalasang nagiging ugat ng electrical failure sa motor ng tren ay ang luma nang electrical sub-components.