Batay sa “2018 Fresh Graduate Report” ng Jobstreet, maliban sa PUP, kasama din sa top 10 na mga eskwelahan na pinagkukunan ng empleyado ng mga kumpanya ay ang UP, Ateneo, UST, PLM, FEU, DLSU, TIP, University of San Carlos at University of Cebu.
Sa pag-hire ng mga bagong graduates, sinabi ng Jobstreet na tatlong qualities ang tinitignan ng mga employers, kabilang dito ang kagustuhang matuto, personal grooming, at kakayahang makipagtrabaho sa isang team.
Samantala, lumitaw din sa nasabing report na 24 percent ng mga employer ang handa na mag-hire ng 1st batch ng K-12 graduates, habang 25% naman ang nagsabing “hindi”.
Ang nasabing 24 percent na mga employer ay mula sa industriya ng BPO, manufacturing, professional services, retail at machinery & equipment.