Target ni outgoing PNP Chief Ronald Dela Rosa na pag-aralan ang penal system ng bansa.
Ito ay kaugnay sa nakatakdang pag-upo nila bilang hepe ng Bureau of Corrections sa mga susunod na buwan.
Ayon kay Dela Rosa, batid nya na iba ang istilo ng pamumuno ang dapat sa BuCor dahil hindi ito katulad ng PNP na naka-focus sa war on drugs.
Paliwanag ng opisyal, titingnan nya ang mga dapat ayusin sa ahensya.
Giit nya na kaya nagkakaroon ng problema sa iligal na droga ay dahil sa may mali sa correctional system, bagay na kailangan na aniyang masolusyunan.
Samantala, muli namang iginiit ni Bato na wala siyang pinagsisisihan sa kanyang mga nagawa bilang hepe ng pambansang pulisya.