Kapwa hindi nakapuntos ang PHILIPPINE AZKALS at ang kanilang nakalaban sa FIFA World Cup Qualifying match na North Korea .
Naging matindi ang depensa ng Philippine Azkals kontra sa mas eksperiyensadong koponan ng North Korea sa kanilang laban sa Pyongyang na nagresulta sa 0-0 final score.
Muntikan na sanang makapuntos ang NoKor sa matensyong second half ngunit dahil sa matinding pagbabantay ng goalkeeper na si Neil Etheridge, nabigo ang bawat tangka ng mga itong makapasok ng bola sa goal.
Kahit hindi nakapuntos, pabor pa rin sa Azkals ang score na 0-0 upang sila ay pumangalawa sa group H kayat buhay pa ang kanilang pangarap na makapasok sa qualifying competition.
Samantala, ang sunod namang makakalaban ng Azkals ay ang Bahrain sa October 13 para makalahok sa FIFA World Cup 2018 na gaganapin sa Russia.