Ito ang kinumpirma ng isang reliable source sa palasyo kung saan matapos ang pagdalo ng pangulo sa Boao forum sa China ay nakatawid na ito patungo ng Hongkong.
Kakausapin din ng pangulo ang Filipino community sa Hong Kong.
Sa kauna-unahang pagkakataon ay nakasama rin ng pangulo sa kaniyang official delegation sa international engagement ang anak nitong si Davao City Mayor Sara Duterte Carpio.
Sa ipinadalang mga larawan sa Malacanang Press Corps, ay makikitang kasama ng pangulo sa Boao forum for Asia si Mayor Sara na ayon sa source ay magiliw na nakipag-talakayan sa mga bisita.
May pagmamalaki ring ipinakilala ni pangulong Duterte si Mayor Sara bilang kaniyang anak at alkalde ng Davao City.
Kinumpirma rin ng Palace source na masusundan pa ang pagsama-sama ni Mayor Sara sa International trips ng pangulo.
Matatandaan na noong Mayo ng nakaraang taon isinama rin ng pangulo ang kaniyang partner na si Honeylet Avanceña at anak na si Kitty at ipinasyal sa Disneyland bago dumalo sa dalawang araw na official visit sa Cambodia para sa World Economic Forum.