Militar at BIFF muling nagbakbakan sa Maguindanao

Sumiklab ang bakbakan sa pagitan ng Bangsamoro Islamic Freedom Fighters (BIFF) at militar sa Maguindanao.

Sa ulat na nakarating sa Camp Aguinaldo, nagsagawa ng clearing operations ang 601st Infantry Brigade ng Philippine Army sa Datu Saudi Ampatuan matapos makatanggap ng ulat na nasa lugar ang ilang kasapi ng BIFF.

Nasugatan sa engkwentro ang dalawang sundalo.

Nadiskubre rin ng militar ang pagawaan ng armas ng grupong Jamaatul Muhahireen Wal Ansal na pinamumunuan ni dating BIFF leader Abu Torayfie sa Datu Salibo.

Naapektuhan ng bakbakan ang 405 pamilya.