7 hanggang 12 tren ng MRT, agad napabiyahe ngayong umaga

Pito hanggang siyam tren ng Metro Rail Transit – 3 ang napabiyahe sa pagbubukas ng operasyon nito ngayong umaga.

Sa abiso ng pamunuan ng MRT-3, alas 5 ng umaga, 8 tren na ang operational, pito dito ang agad nai-deploy o napabiyahe.

Pagsapit naman ng alas 5:30 ng umaga sinabi ng MRT-3 na siyam na sa kanilang mga tren ang running o bumibiyahe.

Dahil dito nasa 8 hanggang 9 minutes lamang ang pagitan ng pagdating ng mga tren sa mga istasyon.

Alas 7:00 naman ng umaga nang muling magdagdag ng mga tren at umabot na sa 12 ang bumibiyahe at nadagdagan pa ng isa pang tren pagsapit ng alas 8:00 ng umaga.

Wala namang inaasahang pila ng mga pasahero ngayong araw sa mga istasyon ng tren dahil ngayon ay holiday.