Dalawang umano’y bugaw, arestado sa Cebu

Arestado ng mga otoridad ang dalawang sinasabing “bugaw” ng mga babae habang nailigtas naman ang tatlo sa umano’y biktima ng mga ito sa Lapu-lapu, Cebu.

Nabatid na pawang mga banyaga umano ang kadalasang kliyente ng mga suspek.

Ayon kay Chief Inspector Mark Gifter Sucalit, hepe ng Lapu-Lapu police Intelligence, bagaman nasa wastong gulang na ang tatlong nasagip na biktima ay kailangan pa rin nilang sampahan ng kaso ang dalawang bugaw na madalas mag-operate sa bahagi ng Baranagay Gun-ob.

Paglabag ng Anti-Trafficking Act ang kahaharapin ng mga naarestong bugaw.