Binatilyo, arestado sa buy-bust ops sa QC

Arestado ang isang 15 taong gulang na lalaki na hinihinalang tulak ng droga sa ikinasang buy-bust operation sa Novaliches, Quezon City.

Ayon sa Quezon City police, kabilang ang nahuling binatilyo sa drug watch list ng pulisya.

Nasamsam sa binatilyo ang hindi bababa sa 25 gramo ng shabu na nagkakahalaga ng P125,000.

Samantala, nahuli rin ang dalawa pang suspek na nakilalang sina Rose Marie Ornido, 19-anyos, at Rommel Jacinto Jr., 27-anyos, sa kaparehong operasyon sa bahagi ng Barangay Sta. Monica.