4 katao patay sa shootout sa Batangas

Dead on the spot ang dalawang hinihinalang miyembro ng isang robbery group habang namatay naman sa ospital ang dalawang pulis matapos mauwi sa palitan ng putok ang isinasagawang surveillance ng mga otoridad sa Barangay Berinayan sa Laurel, Batangas.

Kinilala ang mga napatay na suspek na sina Erwin Ariola at Darren Suarez.

Habang kinilala naman ang mga nasawing pulis na sina Senior Inspector Alvin Kison at SPO2 Edilberto Eje na silang nagsasagawa ng surveillance.

Ayon kay Barangas Provincial Police Office director, Superintendent Alden Delvo, naunang nagpaputok ang mga suspek, dahilan upang gumanti rin ng putok ang mga pulis.

Dinala pa sa ospital sina Kison at Eje upang lapatan ng lunas ngunit namatay rin ang mga ito.

Patuloy pa ang imbestigasyon ng mga otoridad tungkol sa insidente.