Inaprubahan na ni Pangulong Rodrigo Duterte ang isang Executive Order para sa River Ferry Convergence Program.
Ayon kay Presidential Spokesperson Harry Roque kasama sa pagpapalakas ng Pasig River Ferry ay ang pagdadagdag ng speed, pagsasaayos sa infrastructure katulad ng pagtatayo ng mga dagdag na terminal at paglalagay ng recreation and leisure gaya ng liwasan sa magkabilang pampang ng ilog, pagsusulong ng environmental protection at pagpapaganda ng Pasig River.
Ayon kay Roque ang Department of Budget and Management (DBM) ang mangunguna sa proyekto katuwang ang iba’t-ibang sangay ng pamahalaan.
Ang budget para sa Pasig River Ferry ay magmumula sa higit P1 trillion na inilaan sa 2018 budget para sa infrastructure program ng administrasyon.
Bago ang cabinet meeting kahapon (Miyerkules, April 4) ay binaybay muna ni Budget Secretary Benjamin Diokno at ilang miyembro ng technical working group ang Pasig River para sa isang occular inspection.