Nakilala ang suspek na si Erico Digal na nakatakas nang magsagawa ng raid ang mga elemento ng Bohol at Cebu Police sa kanyang bahay sa Carmen, Bohol.
Batay sa imbestigasyon ng mga otoridad, konektado umano si Digal sa operasyon ng mga drug lord sa Central Visayas, partikular na ang mga pinangalanan ni Pangulong Rodrigo Duterte na sina alyas Jaguar and France Sabalones.
Ayon kay Digal, bagaman aminado siya na nagtutulak siya ng droga sa Central Visayas ay tumigil naman na siya matapos pumasok sa rehab.
Ayon kay Philippine National Police Criminal Investigation and Detection Group – Quezon City Police District (PNP-CIDG-QCPD) chief, Chief Inspector Garman Manabat, halos apat na buwang nagtago sa Metro Manila at mga karatig-lalawigan si Digal.
Patuloy namang tutugisin ng mga otoridad ang iba pang gma drug suspek na mayroong pending warrant of arrest.