Task Force Balik Loob, binuo ni Pangulong Duterte para sa mga nagsisukong rebelde

Dahil sa patuloy na pagtaas ng bilang ng mga rebelde na nagbabalik loob sa pamahalaan, nagpalabas na ngayon si Pangulong Rodrigo Duterte ng Administrative Order na magtatag ng Task Force Balik Loob.

Base sa Administrative Order No. 10 ng pangulo, gagawin nang sentralisado ang lahat na gagawin na hakbang ng pamahalaan para sa reintegration ng mga dating rebelde.

Kasama sa Inter Agency Task Force ang DND, DILG, OPAPP, OP at NHA kung saan layunin nitong makamit ang kapayapaan sa bansa.

Pinasisiguro ng pangulo sa Task Force na nabibigyan ng local government units ng kinakailangang ayuda ang mga dating rebelde para muling makapamuhay ng normal. /