Pilipinas malabong maging self-sufficient sa bigas ayon kay Duterte

Aminado si Pangulong Rodrigo Duterte na malabong makamit ng pilipinas na maging self-sufficient sa bigas.

Sa talumpati kahapon ng pangulo sa pamamahagi ng Certificate of Land Ownership Award sa mga magsasaka sa Sultan Kudarat, sinabi niya na ito ay dahil sa nakuha na ng mga taong may pera ang magagandang lupa.

Imposible aniya itong makamit hanggat hindi natuto ang mga magsasaka na bungkalin ang mga bukid.

Kasabay nito inatasan ni Pangulong Duterte ang Department of Agriculture at Department of Environment and Natural Resources na ipamigay ang mga bukid na walang may-ari para magamit at mapagtaniman ng mga magsasaka.

Maari aniyang taniman ng puno ng niyog, rubber o palm oil ang mga bukid.