Eastern Samar, niyanig ng magnitude 4.6 na lindol

By: Donabelle Dominguez-Cargullo - 6 years ago

Niyanig ng magnitude 4.6 na lindol ang Eastern Samar, Huwebes ng umaga ayon sa Philippine Institute of Volcanology and Seismology.

Naitala ng Phivolcs ang lindol alas 6:49 ng umaga sa bayan ng Balangkayan.

Tectonic ang origin ng lindol na may lalim na 33 kilometers.

Dahil sa nasabing pagyanig, naitala ang sumusunod na intensities:

Intensity V – Balangkayan, Maydolong, Eastern Samar; Borongan City
Intensity IV – Hernani, Llorente,San Julian, Lawaan & Gen. MacArthur, Eastern Samar
Intensity III – Dolores, Eastern Samar; Tacloban City
Intensity II- Oras, Eastern Samar

Ayon sa Phivolcs, hindi naman inaasahang magdudulot ng pinsala at aftershocks ang lindol.