Mahigit 30,000 pasahero naitala sa mga pantalan sa bansa ngayong Huwebes Santo

Umabot sa 34,923 na mga pasahero ang naitala ng Philippine Coast Guard na bumiyahe ngayong Huwebes Santo sa iba’t ibang pantalan sa bansa.

Ayon sa datos mula sa PCG, alas 6:00 ng umaga naitala ang nasabing bilang ng outbound passengers.

Pinakamaraming naitalang pasahero sa mga pantalan sa Southern Tagalog na umabot ng 10,662.

Sinundan naman ito ng Central Visayas na umabot sa 10,517.

Bumaba naman na ang bilang ng mga bumiyaheng pasahero sa iba pang mga pantalan gaya ng sa Western Visayas na nakapagtala na lang ng 3,851 na pasahero; Northern Mindanao- 3,876; Eastern Visayas – 1,467; at Southern Visayas – 3,294.

Sa ngayon ay mapayapa naman sa pangkalahatan ang sitwasyon sa mga pantalan sa bansa ayon sa coast guard.