Mga gumagawa, nag-iimport at nagbebenta ng pekeng gamot, ipinaaaresto ni Pangulong Duterte

Inatasan ni Pangulong Rodrigo Duterte si Philippine National Police chief director general Ronald Dela Rosa na arestuhin ang mga gumagawa, nagbebenta, at nag-iimport ng mga pekeng gamot.

Ayon kay Chief Presidential Legal Counsel Salvador Panelo, ginawa ng pangulo ang utos sa gitna na rin ng babala ng Food and Drugs Administration na nagkalat sa merkado ang mga pekeng paracetamol at iba pang gamot.

Kasabay nito, pinakakasuhan din ng pangulo ng economic sabotage ang mga sangkot sa pekeng droga.

Paliwanag ni Panelo hindi lang nakasisira sa ekonomiya kundi nagdudulot din ng panganib sa kalusugan ng mga Filipino ang mga pekeng gamot.